Ein nod yw rhoi'r cymorth gorau posibl i bawb sy'n defnyddio ein Gwasanaeth Tystion. Er mwyn i ni gyflawni hyn, mae angen i ni wybod a yw pethau wedi mynd o chwith. Bydd cwynion yn ein helpu i nodi problemau a'u cywiro, felly rydym yn croesawu eich barn.
Gellir delio â'r rhan fwyaf o gwynion yn anffurfiol drwy siarad â rheolwr, ar y diwrnod y byddwch yn mynychu'r llys. Byddant yn gwrando ar eich barn, yn gwneud cofnod o'r hyn a ddigwyddodd ac yn gwneud newidiadau priodol lle bo modd.
Os ydych chi'n teimlo na ellir delio â'ch pryder yn y ffordd hon, mae gennym ni weithdrefn gwyno ffurfiol hefyd. Bydd uwch reolwr y Gwasanaeth Tystion yn cynnal ymchwiliad manwl ac yn cwrdd â'r person neu'r tîm rydych chi wedi codi pryder amdano.
Beth bynnag a benderfynwch:
- Rydym yn hapus i siarad â chi am yr hyn sydd wedi digwydd.
- Byddwn bob amser yn sicrhau bod eich cwyn neu bryder yn cael ei drin yn gyfrinachol.
- Gallwch chi ddweud wrthym ni bopeth a ddigwyddodd.
- Ni fydd eich cwyn byth yn cael ei thrin gan y person sy'n destun eich pryder. Bydd bob amser yn cael ei thrin gan uwch reolwr nad yw wedi bod yn rhan o'r broses o'r blaen.
- Byddwn yn cysylltu â chi o fewn amserlen benodol fel eich bod chi bob amser yn gwybod beth sy'n digwydd a gallwch fod yn sicr ein bod ni'n trin eich pryder neu gŵyn o ddifrif.
- Fe gewch chi ymateb agored a theg.
- Byddwch chi bob amser yn cael eich trin â pharch, a byddwn ni’n gwneud popeth o fewn ein gallu i helpu i ddod o hyd i ffordd ymlaen.
